اليساريه

اليساريه مصطلح سياسى بيعبر عن تيار فكرى و سياسى بيبتدى من الليبراليه بفروعها

المختلفه و منها للاشتراكيه بفروعها المختلفه و ممكن يوصل لحد الشيوعيه و الاناركيه,

و بتعدى بالليبراليه اشتراكيه و اشتراكيه ديموقراطيه. اصل الموضوع بدا مع الثوره

الفرنسيه وقتها كان فى البرلمان الفرنسى رجال الدين و النبلا الاريستقراطيين كانوا

بيعدوا على يمين الملك لويس الستاشر و النواب الليبراليين اللى بيمثلوا الشعب و اللى

بيدفعوا عن حقوقه بيقعدوا على الشمال (اليسار), وقتها حصل اضرابات و مطالبات من

النواب الليبراليين اللى اعلنوا انهم الممثلين الحقيقيين للشعب و انهم الاعضاء اللى

الشعب انتخبهم و قتها بدئت الاحداث اللى اتعرفت باسم الثوره الفرنسيه.مصطلح

اليساريه اتغير كتير من اول ما ظهر فى فرنسا عشان يوصف التيار المعارض

لالاريستقراطيه و تدخل رجال الدين فى السياسه و تحكمهم فى الناس, دلوقتى مفيش

تعريف الكل متفق عليه يوضح مين اللى بيتوصف باليسارى او اليمينى, بس بيتوصف بيه

دلوقتى الليبراللين بمدارسها الكتيره و الاشتراكيين و ممكن الشيوعيين و الاناركيه بس

ساعات اليساريين بيرفضوا ضم الشيوعيين ليهم عشان نظامهم الشمولى و تحكمهم

فى كل حاجه و للاناركيين عشان شايفينهم فوضاويين.

اشهر مطالب و افكار اليسار السياسى

المطالبه بالمساوه بين المواطنين و حرية التعبير و الحقوق مدنيه و حقوق الانسان و
الحريات مدنيه و حرية الفرد انه يعمل اللى هو عايزه طلما مش بيضر غيره و عدم تدخل
جهة فى الاقتصاد او فى حياة الفرد الشخصيه (من افكار الليبراليه)

حكومه و دولة مدنيه (من افكار الليبراليه)

حكومه مركزيه (شيوعيه و اشتراكيه)

الحكومه لازم تبقى علمانيه و ما تفرقش او تنحاز فى صف دين من اديان المواطنين بتوعها, تعامل المواطنين بنفس الطريقه باختلاف دينهم. (متفق عليها من كل جهات اليسار السياسى و العلمانيه)

الانتماء للمجتمع و للبلد اللى انت فيها.

التطور و التغير مع الزمن و الوقت حسب اللى بيحصل فى العلم و الدنيا و منفضلش متمسكيين بالقديم و باللى كانوا بيعملوه زمان. (من افكار الليبراليه)

العداله الاجتماعيه (من افكار الاشتراكيه و الشيوعيه و الليبراليه الاشتراكيه)

ان القانون هو اللى بيحدد ثقافه و الحدود اللى المجتمع ماشى بيها و بيعتمدش على تقاليد المجتمع فى تنفيذ الاحكام. (من افكار الليبراليه)

اليساريه بتحاول تجيب حقها بالدبلوماسيه و السياسه بعكس اليمين اللى ساعات
بيشجع الحل العسكرى و العنف عشان ينفذ اللى عايزه.(من افكار الليبراليه و مدارس من الاشتراكيه)

اليسارية في العالم العربي

الحزب الدولة سنة التأسيس
الحزب الشيوعي السوري سوريا 24 أكتوبر 1924
الحزب الشيوعي اللبناني لبنان 24 أكتوبر 1924
الحزب الشيوعي العراقي العراق 31 مارس 1934
حزب البعث العربي الاشتراكي السودان 1960
الحركة الديمقراطية والاجتماعية الجزائر 1966
الجبهة الشعبية لتحرير فلسطين فلسطين 11 ديسمبر 1967
الجبهة الديمقراطية لتحرير فلسطين فلسطين 22 شباط 1969
اتحاد الشباب الديمقراطي السعودية 31 أغسطس 1975
حزب التجمع الوطني الوحدوي مصر 10 أبريل 1976

المصدر: ويكيبيديا

Posted in: مصطلحات سياسية