الانظمه الشموليه
المقالة بالعامية المصرية
الانظمه الديكتاتوريه هيا نظم الحكم اللى بيكون فيها الحكم الفعلى بايد الحاكم سواء كان نظام الحكم ملكى او جمهورى و بيكون فى النظام الديكتاتورى الحاكم بيحكم بشكل مطلق تقريبا مع وجود مجموعه حواليه سواء كانو رسميين او مستشارين للحاكم .
بالرغم من الانظمه الديكتاتوريه مش مرتبطه بنظام اداره معين الا انها فى الغالب بتكون مرتبطه بنظم الحكم الشموليه , و اللى بيسيطر على الحكم فيها نظام الحزب الواحد , و مابيكونش فيها نظام الاحزاب و التعدديه الحزبيه , الا ان ده مابيمنعش وجود نظام ديكتاتورى فى دول فيها تعدد احزاب زى مصر و اليمن .
زى الحزب الاتحادى فى الاتحاد السوفييتى السابق .
الاتحاد الاشتراكى فى مصر .
حزب البعث فى العراق -قبل التعدديه الحزبيه فى العراق .
بيتسمى الحاكم المطلق فى الانظمه الديكتاتوريه ديكتاتور , و من اشهر الشخصيات اللى ممكن يتوصفو بديكتاتور
ستالين فى الاتحاد السوفييتى .
هتلر فى المانيا . فيه اعتقاد سايد انه انتحر الا انه فيه اراء و ان كانت مش عندها ادله قويه بتاكد انه مانتحرش و على اى الاحوال نهاية هتلر مش معروفه بشكل اكيد و مالقيوش حثته .
موسيللينى فى ايطاليا . اتحاكم و اتعدم و كان اعدامه نهايه للفاشيست فى ايطاليا .
جمال عبد الناصر فى مصر .
معمر القذافى فى ليبيا .
نيكولاى شاوسيسكو فى رومانيا , اتحاكم و اتعدم .
تيتو فى يوجوسلافيا .
صدام حسين فى العراق . اتحاكم قدام محاكم عراقيه بعد لما اتخلع من الحكم و اتعدم .
عمر البشير فى السودان. مطلوب قدام محكمة العدل الدوليه اللى بتتهمه بجرايم اباده جماعيه و بتعتبره مجرم حرب .
انظمه سلطويه: الا انه فيه انظمه تانيه بتاخد بنظام شبه ديموقراطى او تعددى فى الظاهر الا انها بالفعل انظمه ديكتاتوريه , الا انه بيكون فيها مؤسسات بتلعب دور لحد ما بيقلل من السيطره المطلقه للحاكم و من الدول دى زى .
مصر .
سوريا .
الاردن .
اليمن .
تونس .
السعوديه .
المصدر: ويكيبيديا
Posted in: مصطلحات سياسية